Teicneolaíocht Dhigiteach agus Foghlaim Chuimsitheach in ETNS Bhaile an Phaoraigh
Achoimre ar an bhFíseán
Déanann an príomhoide agus na múinteoirí i Scoil Náisiúnta Ag Foghlaim Le Chéile Bhaile an Phaoraigh cur síos ar an gcaoi a gcuireann siad Dearadh Uilíoch don Fhoghlaim (UDL) i bhfeidhm ina scoil.
Cur Síos
Déanann an príomhoide agus na múinteoirí i Scoil Náisiúnta Ag Foghlaim Le Chéile Bhaile an Phaoraigh cur síos ar Dhearadh Uilíoch don Fhoghlaim ina gcomhthéacs scoile agus ar an gcaoi a n-úsáideann siad é sa seomra ranga chun faisnéis a léiriú. Pléann siad an dóigh a dtéann na leanaí i ngleic leis an eolas sin agus conas a chuireann siad an méid atá foghlamtha acu in iúl. Léiríonn siad an chaoi a n-úsáideann siad téacs-go-teanga agus teanga-go-téacs, rud a ligeann do dhaltaí a bhfuil deacracht acu an t-eolas seo a rochtain an deacracht sin a shárú trí theicneolaíocht. Léiríonn siad úsáid Word Wall chun gníomhaíochtaí idirghníomhacha a chruthú do scoláirí EAL. Taispeántar Google Suite for Education mar spás oibre comhoibríoch inar féidir le múinteoirí agus le daltaí oibriú le chéile. Baineann daltaí i rang a 6 úsáid as Canva mar uirlis léirithe.
Cúrsaí a d’fhéadfadh bheith ina n-ábhair spéise duit
Caith súil ar ár leathanach cúrsaí ar líne le teacht ar chúrsaí bainteach leis an ábhar seo.
Físeáin teagaisc
Taispeánfaidh na físeáin ghearra teagaisc seo a leanas duit conas aipeanna a úsáid atá le feiceáil san fhíseán:
Creat don Fhoghlaim Dhigiteach
Tacaíonn an físeán seo leis na ráitis seo a leanas den Chreat don Fhoghlaim Dhigiteach (CFD):
Teagasc & Foghlaim (1 Torthaí an Fhoghlaimeora)
● 1.1 Caighdeán: Baineann na daltaí taitneamh as a gcuid foghlama, bíonn siad spreagtha chun foghlama agus bíonn siad ag súil le gnóthú mar fhoghlaimeoirí
Úsáideann daltaí teicneolaíochtaí digiteacha cuí chun rannpháirtíocht ghníomhach, chruthaitheach agus chriticiúil a chothú le torthaí foghlama dúshlánacha a bhaint amach.
Baineann daltaí úsáid as teicneolaíochtaí digiteacha chun fianaise a bhailiú, chun dul chun cinn a thaifeadadh, chun meastóireacht agus machnamh a dhéanamh, agus chun réitigh agus/nó táirgí nua a chruthú.
Teagasc & Foghlaim (2. Taithí an Fhoghlaimeora)
● 2.2 Fásann scoláirí mar fhoghlaimeoirí trí idirghníomhaíochtaí agus eispéiris mheasúla atá dúshlánach agus tacúil
Bíonn idirghníomhaíochtaí digiteacha i measc scoláirí agus idir scoláirí agus múinteoirí measúil, dúshlánach, agus tacaíonn siad le folláine na scoláirí go léir.
Baineann scoláirí úsáid as teicneolaíochtaí digiteacha chun eolas a chur in iúl go measúil, chun comhoibriú agus chun eolas a chomhchruthú trí rannpháirtíocht ghníomhach i ndioscúrsa poiblí cuí agus i rannpháirtíocht shibhialta.
Téigh chuig Pleanáil FD chun breis eolais a fháil faoin na réimsí eile den CFD a chíortar san fhíseán seo, agus mar chabhair duit do chuid foghlama digití féin a phleanáil sa seomra ranga.
