Beidh Teicneolaíocht Oide san Oideachas ag óstáil dhá sheimineár gréasáin ar Bhonneagar Teicneolaíochta Digití (BTD) do scoileanna i mí na Samhna, ceann amháin do Bhunscoileanna agus ceann eile d’Iar-bhunscoileanna. Díreofar ábhar na seimineár gréasáin go príomha ar thacaíocht a thabhairt do cheannairí scoile agus d’fhoirne foghlama digití, agus iad ag stiúradh tionscnaimh a bhaineann le bonneagar teicneolaíochta ina scoileanna agus ag tacú leo.
Is iad Deirdre Redmond, an tOifigeach Tionscadail don Bhonneagar Teicneolaíochta Digití agus Tom Lonergan, Comhordaitheoir Náisiúnta an Bhonneagair Teicneolaíochta Digití, a bheidh ag óstáil na seimineár gréasáin.
Déanfar na seimineáir ghréasáin a óstáil ar Zoom ionas gur féidir linn do cheisteanna a éascú roimh na seimineár gréasáin, lena linn agus ina ndiaidh. Is féidir le rannpháirtithe a gcuid ceisteanna a sheoladh ar an ríomhphost roimh an seimineár gréasáin chuigictadvice@oide.ie
Clúdófar réimsí teicniúla agus neamhtheicniúla araon, lena n-áirítear gléasanna ríomhaireachta oiriúnacha do mhúinteoirí agus daltaí/scoláirí, líonrú scoile lena n-áirítear Wi-Fi, uirlisí agus seirbhísí néalbhunaithe, teilgeoirí agus painéil idirghníomhacha. I measc na réimsí eile a chlúdófar tá cibearshlándáil, bainistíocht sonraí, leathanbhanda do scoileanna, Deontais TFC, agus tacaíocht theicniúil. Cuirimid fáilte roimh do cheisteanna a bhaineann le teicneolaíocht maidir leo sin agus maidir le haon réimse eile a bhaineann le teicneolaíocht.
Taispeántar thíos na dátaí/amanna agus naisc chlárúcháin maidir leis na seimineáir ghréasáin. Beidh ar rannpháirtithe réamhchlárú ar Zoom, mar sin, cláraigh chomh luath agus is féidir chun d’áit a chur in áirithe.
Le haghaidh Bunscoileanna: Dé Máirt an 19 Samhain 2024, 3.15pm
Nasc clárúcháin: https://oide-ie.zoom.us/webinar/register/WN_2pePPWiMSPi721LRXjgHFA
Le haghaidh Iar-bhunscoileanna: Dé Máirt an 26 Samhain, 2024, 4.15pm
Nasc clárúcháin: https://oide-ie.zoom.us/webinar/register/WN_juehMl9-SCSBiG37dcFTqw
Táimid ag tnúth libh a bheith i láthair ag na seimineáir sin.
Le Dea-mhéin
Deirdre Redmond agusTom Lonergan,
Foireann an Bhonneagair Teicneolaíochta Digití
Teicneolaíocht Oide san Oideachas: https://www.oidetechnologyineducation.ie/technology-infrastructure/
