An 19ú Searmanas Ghradaim Scannán FÍS
13th January 2025
D’éirigh thar cionn le Gradaim Scannán FÍS, gradaim bhliantúla a reáchtáladh don 19ú huair an 12 Feabhra. Arna n-óstáil ag Sinéad Kennedy, ba cheiliúradh croíúil iad ar an gcruthaitheacht agus ar an tsamhlaíocht, inar tugadh aitheantas do scannánóirí óga as a gcuid tallainne agus as an mbua scéalaíochta a bhí acu. Bhí atmaisféar leictreach ann agus na hainmnithe ag teacht isteach sa Helix in Ollscoil Chathair Bhaile Átha Cliath, gach duine díobh ag iarraidh a scéalta uathúla a roinnt lena chéile. Ní hamháin go ndearnadh ceiliúradh ar scannáin iontacha mar chuid de Ghradaim FÍS ach ba léiriú iad freisin ar chumhacht na cruthaitheachta ar shamhlaíocht na n-óg. Agus gradaim le bronnadh i ngach catagóir—ón nGradam don Eagarthóireacht is Fearr go dtí an Gradam don Aisteoir is Fearr—chríochnaigh an ócáid le bronnadh an Ghradaim mór le rá do Scannán na Bliana, a bronnadh ar Anne Frank scannán a léirigh daltaí de chuid Scoil Náisiúnta an tSeanbhaile.
Mar gheall ar an lúcháir agus na sceitimíní a bhí ar dhaltaí agus múinteoirí araon, bhí ardú meanman ann san ócáid a thug dóchas agus inspioráid dúinn uilig i leith thodhchaí na scéalaíochta. Tá an Comórtas Scéalaíochta Scéalchláir 2025 oscailte anois agus is féidir tuilleadh eolais a fháil anseo.
