Físeáin a Úsáid chun Acmhainní a Threisiú agus a Chruthú (Iar-bhunscoileanna)

Faoi dheireadh an chúrsa seo, ba cheart go mbeifeá in ann an méid seo a leanas a chur i gcrích:

• Cur síos a dhéanamh ar conas is féidir le hacmhainní físeáin an fhoghlaim a threisiú
• Acmhainní nach bhfuil faoi chóipcheart a fháil ar líne chun cuidiú leat do chuid acmhainní digiteacha féin a chruthú
• Acmhainn físeáin a chruthú a d’fhéadfaí a úsáid chun tacú leis an bhfoghlaim do do réimse ábhair.

Tá sé mhír ghearra i gceacht an chúrsa:

• Réamheolas
• Acmhainní a Aimsiú
• Cóipcheart le haghaidh Acmhainní Digiteacha
• Taifeadadh Scáileáin a úsáid chun acmhainní reatha a fheabhsú
• Amharcléireoir a úsáid
• Físeáin Teagaisc Cláir Bháin a Chruthú
• Conclúid/leideanna do mhúinteoirí

Nuair a chríochnófar an ceacht thuas, iarrfar ar na rannpháirtithe a bhfíseán gairid teagaisc féin a chruthú, ag cur síos ar conas a d’úsáidfidís é lena rang féin.

Riachtanais Theicniúla: Ceangal láidir leathanbhanda idirlín agus ríomhaire glúine, pc deisce nó táibléad (a bhfuil an leagan is déanaí de Chrome, Firefox nó Safarí suiteáilte air).

Bronnfar teastas cúrsa ar an té a chríochnaíonn an cúrsa seo.

B’fhéidir go mbeifeá in ann an cúrsa seo a chur san áireamh mar uaireanta Pháirc an Chrócaigh, le cead bhainistíocht na scoile, go háirithe i dtaca le deich gcinn d’uaireanta an chloig ‘Pháirc an Chrócaigh’ a mbeadh cead iad a úsáid ar bhonn aonair nó i ngrúpaí beaga (Ciorclán 0042/2016 Bunscoile agus Ciorclán 045/2016 Iar-Bhunscoile).