Cibearbhulaíocht i mBunscoileanna: tuiscint, cosc agus freagairt ina leith

Faoi dheireadh an chúrsa seo, ba cheart go mbeifeá in ann an méid seo a leanas a chur i gcrích:

• an méid atá i gceist le cibearbhulaíocht a shainmhíniú agus tuiscint shoiléir a ghnóthú ar na nithe lena gcomhdhéantar cibearbhulaíocht
• cur síos a dhéanamh ar an gcreat dlíthiúil maidir le cibearbhulaíocht lena n-áirítear an tAcht um Chiapadh, Cumarsáid Dhochrach agus Cionta Gaolmhara 2020 agus iniúchadh a dhéanamh ar an taighde is déanaí ar chibearbhulaíocht in Éirinn
• cur chuige oideachais iomláin coisctheach a chur chun cinn maidir le tabhairt faoi chibearbhulaíocht
• iniúchadh a dhéanamh ar bheartas na scoile lena bpléitear le cibearbhulaíocht, go háirithe, an Beartas Frith-Bhulaíochta agus an Beartas um Úsáid Inghlactha
• deiseanna a shainaithint chun teagasc faoi chibearbhulaíocht tríd an gcuraclam agus trí thionscnaimh scoile iomláine phobalbhunaithe
• na róil agus na freagrachtaí a shainaithint is infheidhme maidir le pearsanra na scoile agus iad ag déileáil le teagmhas cibearbhulaíochta
• tabhairt faoi theagmhas cibearbhulaíochta agus cumarsáid a dhéanamh leo siúd atá bainteach
• úsáid a bhaint as na hacmhainní atá ar fáil chun tuismitheoirí a mhealladh chun páirt a ghlacadh i dtacaíocht a thabhairt do fhrith-bhulaíocht

Tá trí mhodúl sa chúrsa seo:

1. Cibearbhulaíocht a Thuiscint
   Leis an gceacht seo pléifear an méid atá i gceist le cibearbhulaíocht agus na hiarmhairtí forleathana a d’fhéadfadh a bheith aici ar dhaoine aonair agus ar phobal na scoile.
2. Cibearbhulaíocht a Chosc
   I gceacht 2 déantar iniúchadh ar bhealaí praiticiúla inar féidir leat cur chuige scoile iomláine coisctheach a chur chun cinn maidir le cibearbhulaíocht i do scoil féin.
3. Freagairt do Chibearbhulaíocht
   Sa cheacht seo déantar na príomh-chéimeanna a bhaineann le conas freagairt do theagmhas de chibearbhulaíocht agus conas déileáil leis a achoimriú agus sainaithnítear na hacmhainní agus na tacaíochtaí atá ar fáil do mhúinteoirí agus do cheannairí scoile.

Riachtanais Theicniúla:

Ceangal láidir leathanbhanda idirlín agus ríomhaire glúine, pc deisce nó táibléad (a bhfuil an leagan is déanaí de Chrome, Firefox nó Safarí suiteáilte air).

Ní mór fáil a bheith ag na rannpháirtithe ar Padlet, feidhmchlár tríú páirtí, mar chuid den chúrsa. Níl cuntas Padlet ag teastáil. Bí ar an eolas maidir le beartas príobháideachais agus téarmaí seirbhíse Padlet.

Bronnfar teastas cúrsa ar an té a chríochnaíonn an cúrsa seo.

B’fhéidir go mbeifeá in ann an cúrsa seo a chur san áireamh mar uaireanta Pháirc an Chrócaigh, le cead bhainistíocht na scoile, go háirithe i dtaca le deich gcinn d’uaireanta an chloig ‘Pháirc an Chrócaigh’ a mbeadh cead iad a úsáid ar bhonn aonair nó i ngrúpaí beaga (Ciorclán 0042/2016 Bunscoile agus Ciorclán 045/2016 Iar-Bhunscoile).