Cúrsa úr sa Scéalaíocht Dhigiteach oscailte anois
21st March 2022
Cúrsa úr sa Scéalaíocht Dhigiteach oscailte anois
Tá an cúrsa úr ar líne, Scéalaíocht Dhigiteach (Iar-Bhunscoil), ar fáil anois agus is féidir teacht air láithreach ar TeacherCPD.ie. Ní thógann an cúrsa seo, atá oiriúnach do bhunús na múinteoirí iar-bhunscoile, ach aon uair an chloig d’am staidéir agus is féidir tabhairt faoi pé uair is mian leat féin.
Tá deis ann mar chuid den chúrsa le bheith ag foghlaim ó shamplaí de bhealaí inar féidir an scéalaíocht dhigiteach a úsáid le tacú leis an bhfoghlaim i do réimse ábhair féin, lena n-áirítear Nuatheangacha Iasachta, Eolaíocht agus ábhair eile nach iad, agus a leithéid de shamplaí a chomhroinnt freisin.
