Sábháilteacht ar líne a Theagasc sa Seomra Ranga (Iar-Bhunscoile) OSPS.

Faoi dheireadh an chúrsa seo, ba cheart go mbeifeá in ann an méid seo a leanas a chur i gcrích:

• Beart a dhéanamh sa seomra ranga chun feasacht a mhúscailt faoin tsábháilteacht ar líne agus iompar ar líne a d’fhéadfadh a bheith díobhálach a chosc.
• Foghlaimeoirí a chur ar a gcumas contúirtí agus bagairtí i dtimpeallachtaí digiteacha a thuiscint.
• Foghlaimeoirí a chur ar a gcumas iad féin agus daoine eile a chosaint ar chontúirtí a d’fhéadfadh a bheith i dtimpeallachtaí
• digiteacha.
• Acmhainní oiriúnacha a roghnú chun aghaidh a thabhairt ar thopaicí ábhartha maidir le sábháilteacht ar líne agus an curaclam OSPS a chur chun feidhme.
• Gníomhaíocht ceachta OSPS a phleanáil ag baint úsáide as acmhainní Webwise.
• Freagairt láithreach ar bhealach héifeachtach nuair atá folláine foghlaimeoirí i mbaol i dtimpeallachtaí digiteacha.

Clúdaíonn ábhar an chúrsa roinnt príomhréimsí den tsábháilteacht ar líne do dhaltaí agus na bealaí ar féidir le hacmhainní Webwise tacú leo. Áirítear sa chúrsa físeán ina léirítear sampla de na bealaí a d’úsáid scoil na hacmhainní seo don Lá le haghaidh Idirlíon níos Sábháilte chomh maith le léargais ó shaineolaí de chuid Oide maidir leis an gcuraclam OSPS. Anuas air sin, beidh deis agat gníomhaíocht ranga a chruthú chun acmhainn sábháilteachta ar líne a chur in oiriúint do do scoil, agus beidh an t-am agat do mhachnamh a dhéanamh ar do thaithí féin agus an méid sin a roinnt leis na daoine eile a bheidh ar an gcúrsa.

Gléas:

Ríomhaire glúine, pc deisce nó táibléad* a bhfuil an leagan is déanaí de Chrome, Firefox nó Safari suiteáilte air. Caithfidh ceangail láidir leathanbhanda idirlín a bheith agat.  

*Oibreoidh an chuid is mó de ghléasanna táibléid go maith le bogearraí ár gcúrsa ach is féidir nach mbeidh roinnt gléasanna, atá níos sine, comhoiriúnach. Ná húsáid fón cliste chun an cúrsa seo a chur i gcrích le do thoil. 

Bogearraí/Aipeanna: 

Cé go bhfuil an cúrsa seo saor in aisce, áirítear leis an ábhar samplaí de réimse leathan aipeanna agus teidil bogearraí a fheidhmíonn mar eiseamláirí, agus bíonn costas ar roinnt acu.

NB: Ní mór do rannpháirtithe rochtain a fháil ar fheidhmchlár tríú páirtí amháin – gan aon ghá le logáil isteach – mar chuid den chúrsa.  Ní mór duit bheith ar an eolas maidir le téarmaí seirbhíse agus beartais príobháideachais na bhfeidhmchlár sin, mar a leanas:

• Príobháideachas agus téarmaí seirbhíse Padlet

Creat don Fhoghlaim Dhigiteach 

Tá gné na Múinteoireachta agus na Foghlama (Réimsí 3 agus 4) agus gné na Ceannaireachta agus na Bainistíochta (Réimsí 2 agus 4) den Chreat don Fhoghlaim Dhigiteach mapáilte sa chúrsa seo.

Le haghaidh tuilleadh faisnéise, tabhair cuairt ar shuíomh gréasáin na Foghlama Digití

Inniúlachtaí DigCompEdu 

Déantar an Creat Inniúlachtaí DigCompEdu d’oideoirí a mhapáil sa chúrsa seo, go háirithe Réimse 3: Teagasc agus Foghlaim agus Réimse 6: Inniúlacht Dhigiteach na bhFoghlaimeoirí a Éascú.

Le haghaidh tuilleadh faisnéise, tabhair cuairt ar shuíomh gréasáin DigCompEdu 

Bronnfar teastas cúrsa ar an té a chríochnaíonn an cúrsa seo.

B’fhéidir go mbeifeá in ann an cúrsa seo a chur san áireamh mar uaireanta Pháirc an Chrócaigh, faoi réir ag cead ó lucht bainistíochta na scoile, go háirithe i dtaca le suas le deich n-uair an chloig de chuid ‘Pháirc an Chrócaigh’ a bhféadfaí iad a cheadú le húsáid ag daoine aonair/grúpaí beaga féideartha (Ciorclán 0042/2016 Bunscoile agus Ciorclán 045/2016 Iar-Bhunscoile).