Sábháilteacht ar Líne agus an tSaoránacht Dhigiteach (Bunscoil)

Faoi dheireadh an chúrsa seo, ba cheart go mbeifeá in ann an méid seo a leanas a chur i gcrích:

• Cur síos a dhéanamh ar an tSaoránacht Dhigiteach agus ar Shábháilteacht ar Líne i gcomhthéacs sheomra ranga bunscoile.
• Na bealaí ar féidir an tSaoránacht Dhigiteach agus Sábháilteacht ar Líne a chomhtháthú i do sheomra ranga.
• Na hacmhainní ranga cuí ar féidir iad a úsáid agus a chur in oiriúint chun tacú leis na topaicí thábhachta seo a aithint.

Tá cúig mhodúil ar an gcúrsa seo. Áirítear ina measc ceachtanna ar gach topaic, gníomhaíochtaí idirghníomhacha, agus quiz deiridh nuair a bheidh an cúrsa i gcrích.

1. Buntreoir maidir le hOideachas na Saoránachta Digití

Tugtar réamhrá maidir le hoideachas na saoránachta digití, cad é atá ann agus cén fáth a bhfuil sé tábhachtach mar chuid den mhodúil seo. Soláthraítear smaointe chomh maith ar conas is féidir é a chomhtháthú i gcleachtas an tseomra ranga chomh maith leis na tacaíochtaí sonracha atá ar fáil do mhúinteoirí a threorú.

2. Bheith Ar Líne:

Déantar iniúchadh i Modúl 2 ar an téama Bheith ar Líne, ag díriú ar réimse na meán agus na litearthachta mar phríomhinniúlacht na saoránachta digití sa téama seo.

3. Folláine Ar Líne:

Tugtar forléargas i Modúl 3 ar an téama Folláine Ar Líne, ag díriú ar d’fholláine ar líne a bhainistiú mar phríomhinniúlacht na saoránachta digití sa téama seo.

4. Cearta ar líne

Tabharfar forléargas i Modúl 4 ar an téama Cearta Ar Líne, ag díriú ar chearta agus freagrachtaí ar líne mar phríomhinniúlacht na saoránachta digití sa téama seo.

5. Plean Gníomhaíochta a chruthú le haghaidh na Saoránachta Digití

Foghlaimeoidh rannpháirtithe conas an tSaoránacht Dhigiteach a chomhtháthú leis an gCreat don Fhoghlaim Dhigiteach agus faoi thacaíochtaí agus acmhainní breise chun cabhrú leo na chéad chéimeanna eile a ghlacfaidh siad a phleanáil agus iad ag iarraidh an tSaoránacht Dhigiteach a chomhtháthú sa seomra ranga sa bhunscoil

Gléas:

Ríomhaire glúine, pc deisce nó táibléad* a bhfuil an leagan is déanaí de Chrome, Firefox nó Safari suiteáilte air. Caithfidh ceangail láidir leathanbhanda idirlín a bheith agat.  

*Oibreoidh an chuid is mó de ghléasanna táibléid go maith le bogearraí ár gcúrsa ach is féidir nach mbeidh roinnt gléasanna, atá níos sine, comhoiriúnach. Ná húsáid fón cliste chun an cúrsa seo a chur i gcrích le do thoil. 

Bogearraí/Aipeanna:

Cé go bhfuil an cúrsa seo saor in aisce, áirítear leis an ábhar samplaí de réimse leathan aipeanna agus teidil bogearraí a fheidhmíonn mar eiseamláirí, agus bíonn costas ar roinnt acu.

NB: Ní mór do rannpháirtithe rochtain a fháil ar fheidhmchlár tríú páirtí amháin – gan aon ghá le logáil isteach – mar chuid den chúrsa.  Ní mór duit bheith ar an eolas maidir le téarmaí seirbhíse agus beartais príobháideachais na bhfeidhmchlár sin, mar a leanas:

• Príobháideachas agus faisnéis slándála .Slido.

Creat don Fhoghlaim Dhigiteach

Tá gné na Múinteoireachta agus na Foghlama (gach Réimse) den Chreat don Fhoghlaim Dhigiteach mapáilte sa chúrsa seo.

Le haghaidh tuilleadh faisnéise, tabhair cuairt ar shuíomh gréasáin na Foghlama Digití

Inniúlachtaí DigCompEdu

Tá an Creat Inniúlachta Digití DigCompEdu d’oideoirí mapáilte sa chúrsa seo, ach go háirithe Réimse 1: Rannpháirtíocht Ghairmiúil; Réimse 2: Acmhainní Digiteacha; Réimse 3: Teagasc agus Foghlaim agus Réimse 6: Inniúlacht Dhigiteach na bhFoghlaimeoirí a Éascú.

Le haghaidh tuilleadh faisnéise, tabhair cuairt ar shuíomh gréasáin DigCompEdu

Bronnfar teastas cúrsa ar an té a chríochnaíonn an cúrsa seo.

B’fhéidir go mbeifeá in ann an cúrsa seo a chur san áireamh mar uaireanta Pháirc an Chrócaigh, faoi réir ag cead ó lucht bainistíochta na scoile, go háirithe i dtaca le suas le deich n-uair an chloig de chuid ‘Pháirc an Chrócaigh’ a bhféadfaí iad a cheadú le húsáid ag daoine aonair/grúpaí beaga féideartha (Ciorclán 0042/2016 Bunscoile agus Ciorclán 045/2016 Iar-Bhunscoile).