Seo chugaibh Punanna Digiteacha (Iar-bhunscoileanna)

Faoi dheireadh an chúrsa seo, ba cheart go mbeifeá in ann an méid seo a leanas a chur i gcrích:

• Cur síos a dhéanamh ar an úsáid a bhaintear as punanna digiteacha sa teagasc agus san fhoghlaim
• Cur síos a dhéanamh ar na feidhmeanna stórála, spáis oibre agus ardáin atá ag na punanna digiteacha
• Na buntáistí a bhaineann le húsáid na bpunann digiteach don teagasc, don fhoghlaim agus don mheasúnú
• Na céimeanna éagsúla a bhaineann le múnla phróiseas na punainne digití a aithint
• Cur síos a dhéanamh ar an úsáid is féidir a bhaint as punanna digiteacha le tacú leis an measúnú múnlaitheach agus suimitheach
• Na hiarmhairtí a bhaineann le punanna digiteacha a thabhairt isteach a mhíniú i dtaobh na múinteoirí agus na ndaltaí.

Áirítear é seo a leanas i measc ábhar an chúrsa:

• Buntreoir maidir le punanna digiteacha do mhúinteoirí
• Plé ar na buntáistí agus ar na feidhmeanna atá ag punanna digiteacha
• Achoimre ar mhúnla phróiseas na punainne digití
• Físeáin a léiríonn an úsáid atá á baint ag múinteoirí na hÉireann as punanna digiteacha chun feabhas a chur ar an teagasc, ar an bhfoghlaim agus ar an measúnú

Riachtanais Theicniúla: Ceangal láidir leathanbhanda idirlín agus ríomhaire glúine, pc deisce nó táibléad (a bhfuil an leagan is déanaí de Chrome, Firefox nó Safarí suiteáilte air).

Bronnfar teastas cúrsa ar an té a chríochnaíonn an cúrsa seo.

B’fhéidir go mbeifeá in ann an cúrsa seo a chur san áireamh mar uaireanta Pháirc an Chrócaigh, le cead bhainistíocht na scoile, go háirithe i dtaca le deich gcinn d’uaireanta an chloig ‘Pháirc an Chrócaigh’ a mbeadh cead iad a úsáid ar bhonn aonair nó i ngrúpaí beaga (Ciorclán 0042/2016 Bunscoile agus Ciorclán 045/2016 Iar-Bhunscoile).