Pléann Scoil Bhríde, Cill Bhríde conas a úsáideann siad gléasanna AAC le 4 as na 6 daltaí ina rang speisialta.
Déanann an príomhoide agus na múinteoirí i Scoil Náisiúnta Ag Foghlaim Le Chéile Bhaile an Phaoraigh cur síos ar an gcaoi a gcuireann siad Dearadh Uilíoch don Fhoghlaim (UDL) i bhfeidhm ina scoil.
Déanann an príomhoide agus na múinteoirí i Scoil Náisiúnta Ag Foghlaim Le Chéile Chill Dhéagláin cur síos ar na cleachtais chuimsitheacha a úsáideann siad mar scoil il-sainchreidmheach ina bhfuil teangacha iolracha agus raon leathan de riachtanais éagsúla.
Déanann múinteoirí i Meánscoil Ag Foghlaim Le Chéile Chill Mhantáin cur síos ar an gcaoi ar chomhtháthaigh siad an tionscadal Phunann Digiteach um Measúnú Foirmitheach (FADP) ina scoil.
Déanann scoláirí i Meánscoil Ag Foghlaim Le Chéile Chill Mhantáin cur síos ar an gcaoi ar bhain siad úsáid as an teicneolaíocht chun punanna digiteacha a chruthú chun a Measúnuithe Rangbhunaithe a chríochnú.
Tugann múinteoirí agus daltaí de chuid Scoil Náisiúnta Buachaillí Mhuire na mBuanna cuntas ar an mbaint a bhí acu leis an tionscadal WEAVE, fad is a roinntear tuairimí ó dhearcadh fhoireann na scoile agus na ndaltaí araon. Aird á tarraingt acu ar na naisc traschuraclaim atá ann agus na tairbhí scileanna idirphearsanta atá le baint ó bheith páirteach ann.
Agus í ag múineadh i Scoil Náisiúnta Buachaillí Mhuire na mBuanna, tugann Múinteoir Michelle Brady cuntas ar an leas a bhaineann sí as acmhainní digiteacha agus nithiúla éagsúla d’fhonn daltaí a mhealladh i mbun plé le hábhair ar bhealaí éagsúla. Chuige seo, cuireann sí uirlisí um ábhair a chruthú chun tairbhe agus gach duine ag obair i dteannta a chéile i spás tionscadail traschuraclaim.
Déanann Scoil na mBráithre Chríostaí Dhún Garbháin achoimre ar an gcaoi ina ndearna siad an fhoghlaim dhigiteach a chomhordú ina scoilse agus iad ag díriú ar réimsí amhail an Litearthacht Dhigiteach agus an Fhoghlaim Dhigiteach. Chuige sin, fuair siad tacaíocht ón bhFoireann um Fhoghlaim Dhigiteach de chuid Oide Technology in Education. Déanann siad achoimre ar an tacaíocht phraiticiúil agus na bearta a rinneadh lena chinntiú gur fheidhmigh bonneagar na scoile ar bhealach a thacaigh lena bPlean um Fhoghlaim Dhigiteach.
Déanann Múinteoir Vicky Bouché ó Scoil Cailíní Chríost Rí achoimre ar an gcaoi ina n-úsáideann sí uirlisí digiteacha chun daltaí a spreagadh chun foghlama ina rang Fraincise agus conas is féidir le múinteoirí iad a chur chun fónaimh nuair atá measúnú ar siúl acu nó aiseolas á thabhairt dá gcuid daltaí.
Clárú Na Nuachtlitreach
Sign-up
To subscribe to our email Newsletter, please fill in the details below.
