An Fhoghlaim Dhigiteach a Phleanáil i Meánscoil Le Chéile
Achoimre ar an bhFíseán
Agallamh le Leas-Phríomhoide agus plé á dhéanamh ar an tábhacht a bhaineann le múinteoirí ag foghlaim óna chéile mar chuid de FGL ar scoil. Tá uaireanta an chloig curtha i leataobh ag scoileanna ar bhonn míosúil chun go bhféadfadh ranna plé a dhéanamh ar an mbealach is fearr le feabhas a chur ar an teagasc agus ar an bhfoghlaim sa scoil acu trí úsáid a bhaint as an bhfoghlaim dhigiteach.
Cur Síos
Pléann leas-phríomhoide na scoile úsáid na Teicneolaíochta Faisnéise i dteagasc agus i bhfoghlaim. Príomhchúram na scoile seo is ea an comhoibriú idir múinteoirí chun uasoiliúint sa réimse seo. Tá cinneadh déanta ag an scoil a n-uaireanta Pháirc an Chrócaigh a úsáid chun comhoibriú idir múinteoirí le haghaidh foghlama. Tagann gach roinn le chéile gach mí, agus tagann an fhoireann ar fad le chéile gach sé seachtaine. Le linn na gcruinnithe seo, pléann múinteoirí conas a fhoghlaimíonn daltaí, conas a tharlaíonn measúnú, aiseolas a chuirtear ar fáil do dhaltaí agus conas is féidir le TF feabhas a chur ar gach ceann de na réimsí seo. Tacaíonn an creat don fhoghlaim dhigiteach leis an bplé a mbíonn ag múinteoirí. Mar chuid d’ionduchtúcháin mhúinteoirí, cuirtear mioneolas agus mionthreoraíocht ar fáil don fhoireann maidir le TF a chur i bhfeidhm le haghaidh foghlama. Cuireann an scoil ardleibhéal tacaíochta agus clinicí buail isteach ar fáil chun cabhrú le múinteoirí lena n-uas-sciliú sa teicneolaíocht don fhoghlaim. Le linn cruinnithe, tugtar an deis do mhúinteoirí ‘Taispeáin agus Inis’ aon scileanna nua nó aon chur chuige nua a tháinig chun cinn dóibh maidir le húsáid na teicneolaíochta don teagasc. Chuir an scoil tús le ‘piarbreathnóireacht’, ina bhféadfadh múinteoirí breathnú ar a chéile chun cur lena gcuid scileanna féin trí éifeachtacht straitéisí TF a fheiceáil i seomraí ranga eile. Tuigeann an scoil an luach a bhaineann le comhoibriú le forais sheachtracha chomh maith, le caidreamh oscailte le I.T.T., áit a dtagann léachtóirí isteach chun labhairt le daltaí. Bhí an scoil mar chuid de phobal Apple Distinguished, ag cur tuilleadh deiseanna ar fáil le haghaidh comhoibrithe agus comhroinnt smaointe teicneolaíochta don teagasc agus don fhoghlaim.
Cúrsaí a bhféadfadh go mbeadh suim agat iontu
Féach ar ár leathanach cúrsaí ar líne chun cúrsaí a bhaineann leis an ábhar seo a aimsiú.
Creat don Fhoghlaim Dhigiteach
Tacaíonn an físeán seo leis na ráitis seo a leanas den Chreat don Fhoghlaim Dhigiteach (CFD):
Teagasc & Foghlaim (1. Torthaí Foghlama)
- 1.1 Úsáideann daltaí teicneolaíochtaí digiteacha cuí chun rannpháirtíocht ghníomhach, chruthaitheach agus chriticiúil a chothú chun torthaí foghlama dúshlánacha a bhaint amach.
- 1.4 Baineann daltaí na cuspóirí foghlama atá luaite amach don téarma agus don bhliain
Téigh chuig Pleanáil FD chun iniúchadh a dhéanamh ar na réimsí eile de CFD a fhaigheann tacaíocht san fhíseán seo, agus chun cabhrú leat pleanáil d’fhoghlaim dhigiteach i do rang.
