Foghlaim thraschuraclaim le Léarscáileanna Scoilnet agus uirlisí eile
Achoimre ar an bhFíseán
Déanann múinteoir ranga cur síos ar an gcaoi a ghlacann sé teicneolaíocht isteach i gceacht OSIE. Trí theagaisc stáisiún, déanann daltaí iniúchadh ar ábhar na léarscáileanna ag baint úsáide as an CBI, ríomhairí glúine agus an suíomh gréasáin Scoilnet Maps: https://maps.scoilnet.ie/
Cur Síos
Baineann daltaí úsáid as léarscáileanna Scoilnet chun foghlaim faoina gceantar áitiúil. Baineann daltaí úsáid as cláir bhána idirghníomhacha chun rochtain a fháil ar Léarscáileanna Scoilnet agus chun faid a thomhas chuig áiteanna éagsúla. Úsáidtear ríomhairí glúine chun bealaí difriúla a tharraingt ó na léarscáileanna. Míníonn an múinteoir na gnéithe difrúla de léarscáileanna Scoilnet agus an chaoi a nascann sé le gnéithe éagsúla den churaclam.
Cúrsaí a bhféadfadh go mbeadh suim agat iontu
Féach ar ár leathanach cúrsaí ar líne chun cúrsaí a bhaineann leis an ábhar seo a aimsiú.
Físeáin teagaisc
Taispeánfaidh na físeáin ghearra teagaisc seo a leanas duit conas aipeanna a úsáid atá le feiceáil san fhíseán:
Creat don Fhoghlaim Dhigiteach
Tacaíonn an físeán seo leis na ráitis seo a leanas den Chreat don Fhoghlaim Dhigiteach (CFD):
Teagasc & Foghlaim (1. Torthaí Foghlama)
- 3 Úsáideann daltaí teicneolaíochtaí digiteacha ar bhealaí an-éifeachtach chun a gcuid eolas, scileanna agus tuiscint a fhorbairt i gcomhréir le cuspóirí ábhair, torthaí foghlama, scileanna agus coincheapa Churaclam na Bunscoile.
- 4 Baineann daltaí na cuspóirí foghlama atá luaite amach don téarma agus don bhliain
Teagasc & Foghlaim (2. Taithí an Fhoghlaimeora)
- 1 Glacann daltaí páirt d’aon ghnó i ngníomhaíochtaí foghlama fónta
Úsáideann daltaí teicneolaíochtaí digiteacha chun faisnéis a aimsiú agus a mhalartú
Téigh chuig Pleanáil FD chun iniúchadh a dhéanamh ar na réimsí eile de CFD a fhaigheann tacaíocht san fhíseán seo, agus chun cabhrú leat pleanáil d’fhoghlaim dhigiteach i do rang.
