Agallamh le Múinteoirí maidir le EU Folio agus an taithí a bhí ag an scoil acu. Pléann siad an tábhacht a bhaineann le bheith ar do chompord leis an gcóras sula gcuirtear tús leis sa rang. Baintear úsáid as ríomhphunanna sa scoil mar mhodh measúnaithe leanúnaigh leis an dul chun cinn atá á dhéanamh ag daltaí a thaifeadadh.
Agallamh le Múinteoir faoin úsáid a bhaintear as TFC sa Bhéarla. Míníonn sí go mbíonn difreáil ann agus TFC in úsáid, agus gur féidir freastal ar gach cineál foghlaimeora. Tarraingíonn sí aird ar an tábhacht a bhaineann le TFC a úsáid mar uirlis bhreise agus nach mbeadh an bhéim ar fad uirthi sa rang. She uses Animoto, Voki, Prezi and Fakebook.
Agallamh le Múinteoir faoin úsáid a bhaintear as fóin shoghluaiste agus táibléid ina cuid ranganna Tíreolaíochta. Baineann sí úsáid as réimse leathan feidhmchlár le tacú leis an teagasc agus leis an bhfoghlaim. Cuireann sí réimse leathan acmhainní difreáilte ar fáil dá cuid daltaí a bhfuil fáil orthu lasmuigh den rang. Freastalaíonn an úsáid a bhaintear as TFC ar gach cineál foghlaimeora.
Labhraíonn Múinteoir faoin úsáid a bhaintear as táibléid ina cuid ranganna Spáinnise. Cruthaíonn na daltaí físeáin de fhrásaí Spáinnise agus úsáid á baint acu as iPad. Féachann na daltaí ar an bhfíseán ansin mar rang iomlán mar mhodh piarmheasúnaithe. Is féidir leis an múinteoir féachaint siar ar an bhfíseán ansin agus aiseolas aonair a thabhairt.
Agallamh le Múinteoir faoin úsáid a bhaintear as Scoilnet ina seomra ranga Staire. Pléann sí an tslí a gcabhraíonn na huirlisí atá ar fáil leis na daltaí tabhairt faoina gcuid taighde féin. Tugtar tionscadal bunaithe ar thopaic áirithe don rang, tugann siad faoina gcuid taighde féin agus cuireann siad i láthair os comhair an ranga ansin é trí Google Docs agus Padlet.
Agallamh le Múinteoir faoin úsáid a bhaintear as TFC ina sheomra ranga Gearmáinise le feabhas a chur ar an teagasc agus ar an bhfoghlaim. Baineann an rang úsáid as micreafóin USB le taifeadadh a dhéanamh orthu féin agus iad i mbun comhrá lena chéile agus éisteann siad siar leo mar phiarmheasúnú. Cruthaíonn siad scéal leis an bhfuaim ansin ar ríomhairí agus cuireann siad i láthair os comhair an ranga é.
Baineann múinteoir Spáinnise úsáid as an teicneolaíocht le cur leis an bhfoghlaim ina seomra ranga. Déanann an rang taifeadadh orthu féin ag caint agus déanann siad a gcuid taifeadtaí a mheas in éineacht leis an múinteoir. Bíonn siad rannpháirteach i mblag ar líne agus i réimse leathan suíomhanna idirlín. Cabhraíonn siad leis na daltaí measúnú a dhéanamh orthu féin agus tuiscint a fháil ar an méid a bhíonn le clúdach acu agus iad ag staidéar.
Agallamh le Múinteoir faoin úsáid a bhaintear as TFC ina rang Ceimice. Déanann siad físeáin a thaifeadadh agus turgnaimh á gcur i gcrích acu agus roinneann siad leis an rang iad. Is féidir leis na daltaí na físeáin a úsáid le dul siar ar a gcuid oibre. Baineann sí úsáid as Explain Everything chun súil a chaitheamh siar ar thopaicí, aiseolas a thabhairt agus nótaí atá cothrom le dáta a chur ar fáil dá cuid daltaí.
Agallamh le Daltaí agus le Múinteoir faoin úsáid a bhaintear as TFC sna ranganna Teanga. Baineann siad úsáid as uirlis Glogster chun póstaer digiteach a chruthú fúthu féin. Baineann siad úsáid as cianmhicreafóin chun míreanna fuaime a chur leis an leathanach. Spreagann sé seo cleachtadh béil agus cluaise. Bíonn tairbhe le baint ag foghlaimeoirí éagsúla sa seomra ranga as.
Clárú Na Nuachtlitreach
Sign-up
To subscribe to our email Newsletter, please fill in the details below.
