Déanann beirt mhúinteoir naíonáin cur síos ar an gcaoi a úsáideann siad acmhainní ar líne agus iPads chun fónaic agus mata a mhúineadh. Múintear ceachtanna fónaice le húsáid a bhaint as www.Leighleat.com, atá bunaithe ar an gclár fónaice agus is féidir gach scoil é a úsáid. C.J. Baintear úsáid as leabhair dhigiteacha Fallon le haghaidh gníomhaíochtaí mata.
Míníonn Múinteoir Eolaíochta na hacmhainní TFC a bhíonn in úsáid aige ina sheomra ranga. Baineann sé úsáid as feidhmchlár, Aurasma, chun RB a shníomh isteach in obair fhisiciúil na ndaltaí. Cruthaíonn siad físeáin agus póstaeir agus déanann siad nótaí lámhscríofa díobh trí shiombail a tharraingt. Déanann siad an tsiombail a scanadh ansin lena ngutháin chun an acmhainn a thaispeáint.
Agallamh le Príomhoide faoin tábhacht a bhaineann le húsáid chruthaitheach a bhaint as spás ar scoil. Pléann sí an úsáid atá á baint acu as cur chuige nuálach i dtaca le spásanna foghlama. Tá soghluaisteacht ag baint lena gcuid foghlama trí tháibléid a bheith in úsáid ag na daltaí agus na baill foirne ar fad, a spreagann daoine le húsáid a bhaint as spás uile na scoile, laistigh agus lasmuigh.
Agallamh leis an bhfoireann ón scoil a bhfuil fóilió AE comhtháite le déanaí sa scoil acu. Pléann siad an tairbhe a bhaineann leis an gcóras d’fhoghlaimeoirí. Léiríonn próiseas an phortfóilió do dhaltaí an tábhacht a bhaineann le bheith ag cur le do chuid oibre i gcónaí. Tá gréasán tacaíochta cruthaithe ag na ríomhphunanna ar scoil ina mbíonn múinteoirí ag tacú lena chéile.
Baineann Múinteoir Ceoil úsáid as an teicneolaíocht mar bhuntáiste don teagasc agus don fhoghlaim. Baineann sí úsáid as Movie Maker le cabhrú lena rang tuiscint fhísiúil agus chluaise a fhorbairt ar amhráin trí fhíseáin a chruthú don phíosa ceoil. Baineann an rang úsáid as audacity chomh maith, chun amhráin a thaifeadadh i gcodanna sula gcuirtear le chéile é - pianó, aonréad, comhcheol.
Míníonn múinteoir Gearmáinise na teicneolaíochtaí a bhíonn in úsáid aici sa seomra ranga. Baineann an scoil úsáid as Notability mar aip chun nótaí a ghlacadh a chuireann ar chumas na ndaltaí fuaim a thaifeadadh, a chabhraíonn leis an bhfoghraíocht sna ranganna teanga. Pléann sí an úsáid a bhaintear as Book Creator inar féidir lena cuid daltaí cur i láthair dá gcuid féin a chruthú faoi thopaicí roghnaithe.
Agallamh le Múinteoir maidir leis an úsáid a bhaintear as ríomhphunanna san Idirbhliain. Baineann siad úsáid as réimse leathan aipeanna ar na táibléid acu i gcaitheamh na bliana chun a gcuid foghlama a thaifeadadh. Míníonn sé conas mar a dhéanann sé bainistiú ar na táibléid ina sheomra ranga agus tarraingíonn sé aird ar an tábhacht a bhaineann le polasaí scoile a chur i bhfeidhm.
Agallamh le Leas-Phríomhoide faoi chur i bhfeidhm na teicneolaíochta ar scoil i gcúrsaí teagaisc agus foghlama. D’fhorbair an scoil grúpa pleanála don teicneolaíocht ar scoil le tacú le pleanáil chomhoibríoch na foirne. Labhraíonn sé faoin tslí a gcothaíonn sé seo comhoibriú le daltaí agus leis an bhfoireann. Pléann sé an úsáid a bhaintear as réimsí digiteacha san Idirbhliain.
Míníonn múinteoir Fraincise na buntáistí a bhaineann le táibléid ina cuid múinteoireachta. Pléann sí an úsáid a bhaintear as Kahoot agus Educanon mar mhodh measúnaithe. Tá an rang ag súil le dul i ngleic leis na huirlisí seo. Pléann sí an aip Dice Lite san obair ghrúpa chomh maith. Is féidir úsáid a bhaint as na haipeanna seo ar bhonn aonair nó i ngrúpaí.
Clárú Na Nuachtlitreach
Sign-up
To subscribe to our email Newsletter, please fill in the details below.
