Agallamh le hIonad Oideachais Chontae Dhún na nGall faoin tslí a dtacaíonn siad lena gcuid scoileanna i gcúrsaí teagaisc agus foghlama i réimse TFC. Pléann sí trí scoil áitiúil agus iad ag obair i dteannta chéile le tacú lena chéile. Baineann siad úsáid as Edmodo, Google Drive agus cruinnithe ar an láthair chun a gcuid taithí agus a gcuid cleachtas a roinnt.
Míníonn Múinteoir CO conas mar a dhéanann sé an teicneolaíocht a shníomh isteach ina chuid ranganna. Baineann sé leas as i-treodóireacht, agus bíonn ar dhaltaí cóid QR a scanadh agus léarscáil fhisiceach a leanúint. A luaithe a chríochnaíonn siad an cúrsa, glactar nóta de na hamanna acu agus cuirtear i gcomparáid lena chéile gach seachtain iad mar mhodh measúnaithe.
Agallamh le múinteoir faoin úsáid a bhaintear as an teicneolaíocht sna ranganna CO. Baineann na daltaí úsáid as a gcuid guthán féin le cóid QR a scanadh a thugann caol díreach chuig físeán scileanna iad. Baineann siad leas as táibléid chun taifeadadh a dhéanamh ar a gcomhghleacaithe agus an scil á cleachtadh acu. Baintear úsáid as Google forms mar mhodh féinmheasúnaithe.
Pléann Múinteoir Tíreolaíochta an úsáid a bhaintear as Wizer.ie ina sheomra ranga féin. Míníonn an múinteoir an úsáid a bhaineann sé as an uirlis seo le cabhrú leis an gcianfhoghlaim. Cabhraíonn sé leis tascanna difreáilte a leagan ar dhaltaí agus aiseolas aonair a thabhairt. Oibríonn na daltaí as a stuaim féin ansin chun na tascanna éagsúla a chríochnú.
Baineann Múinteoir Gaeilge úsáid as TFC chun forbairt na teanga labhartha a chur chun cinn. Pléann sí an úsáid a bhaineann sí as déanamh físeán le tacú lena gcuid Gaeilge labhartha. Déanann an rang físeáin a phleanáil agus a chruthú agus féachann siad ar fhíseáin a chéile ansin chun aiseolas a thabhairt. Pléann sí an tslí a ndéanann sí bainistiú ar úsáid na dtáibléad sa seomra ranga.
Míníonn múinteoir GDC an úsáid a bhaintear as TFC ina chuid ranganna. Baineann an rang úsáid as gutháin chun taighde a dhéanamh ar an topaic agus chun meabhairmhapaí a chruthú i ngrúpaí. Cuireann siad aiseolas ar fáil ansin ar obair a chéile ag baint úsáid as Adobe Reader. Baintear úsáid as Mentimetre ar deireadh chun sonraí a bhailiú le haghaidh ranganna eile amach anseo.
Baineann múinteoir teanga úsáid as an teicneolaíocht le haghaidh an mheasúnaithe ina cuid ranganna Fraincise. Baineann na daltaí úsáid as a gcuid gléasanna féin le linn na ranganna chun tástálacha a chur i gcrích. Is féidir úsáid a bhaint as tástálacha ar líne mar mhodh tapa measúnaithe sa seomra ranga. Déanann siad físeáin chomh maith chun a gcuid teanga a mheas ag baint úsáid as Adobe Spark.
Agallamh leis an bhfoireann mar gheall ar an úsáid a bhaintear as TFC le tacú le meabhairshláinte dhearfach i measc na ndaltaí acu. Baineann siad úsáid as TFC chun na topaicí seo a phlé mar go mbíonn na daltaí níos rannpháirtí. Tá tús curtha acu le modúl Idirbhliana ina gcaithfidh siad físeán a spreagann meabhairshláinte dhearfach a dhearadh agus a chruthú.
Baineann múinteoir Gearmáinise úsáid as teicneolaíocht ina cuid ranganna teanga. Pléann sí conas mar a chuireann daltaí tascanna béil i gcrích trí thaifeadadh a dhéanamh orthu féin ar a gcuid guthán. Mar mhúinteoir teanga tá sé tábhachtach go mbeadh sí in ann gach dalta dá cuid a chloisteáil ach tá sé sin indéanta agus an modh áirithe seo in úsáid.
Clárú Na Nuachtlitreach
Sign-up
To subscribe to our email Newsletter, please fill in the details below.
