Bíonn físeáin a dhéanann Múinteoir matamaitice í féin mar dhlúthchuid dá cuid ranganna. Agus úsáid á baint as Explain Everything agus Schoology, is féidir le daltaí a gcuid fadhbanna a fheiceáil agus a réiteach ar a gcaoithiúlacht. Cabhraíonn sé seo léi tacaíocht shainoiriúnaithe a chur ar fáil do dhaltaí.
Míníonn múinteoir Matamaitice an tairbhe a bhaineann leis an teicneolaíocht ina cuid múinteoireachta. Pléann sí úsáid Geogebra agus conas mar a spreagann sé a cuid daltaí. Cuireann siad a gcuid oibre ar pháipéar i gcomparáid lena gcuid táibléad mar fhéinmheasúnú agus mar phiarmheasúnú. Pléann sí an úsáid a bhaintear as Google Docs don phleanáil laistigh den roinn.
Agallamh le Príomhoide agus plé á dhéanamh ar chur chuige roghnaithe na ndaltaí i dtaobh an teagaisc agus na foghlama. Tá múnla iompaithe seomra ranga curtha i bhfeidhm ina scoil acu. Cuireann sé seo ar chumas na ndaltaí ceachtanna a chríochnú ar a gcaoithiúlacht agus ligeann sé do mhúinteoirí aiseolas aonair a chur ar fáil. Déanann na daltaí a gcuid físeán iompaithe féin mar mhodh measúnaithe.
Téann rang ó bhliain 5 i ngleic le teicneolaíochtaí digiteacha le tacú leis an bhfoghlaim san Eacnamaíocht Bhaile. Féachann daltaí ar fhíseáin agus cruthaíonn siad físeáin ar aip Slice, agus cuireann siad leis na dialanna acu trí Google Drive. Baintear úsáid as Wizer.me don mheasúnacht. Baineann an múinteoir úsáid as Twitter le teacht ar acmhainní ATHE agus Scoilnet le haghaidh acmhainní ranga.
Agallamh le príomhoide faoi chur i bhfeidhm na teicneolaíochta ina scoil féin agus faoin tacaíocht a chuireann siad ar fáil don fhoireann. Cuireann siad FGL leanúnach chun cinn le haghaidh gach ball foirne, agus iad ag obair i dteannta a chéile le foghlaim faoi theicneolaíochtaí digiteacha. Cruthaíodh príomhghrúpa de bhaill foirne díograiseacha le cabhrú leis an gcur i bhfeidhm seo.
Agallamh le Leas-Phríomhoide agus plé á dhéanamh ar an tábhacht a bhaineann le múinteoirí ag foghlaim óna chéile mar chuid de FGL ar scoil. Tá uaireanta an chloig curtha i leataobh ag scoileanna ar bhonn míosúil chun go bhféadfadh ranna plé a dhéanamh ar an mbealach is fearr le feabhas a chur ar an teagasc agus ar an bhfoghlaim sa scoil acu trí úsáid a bhaint as an bhfoghlaim dhigiteach.
Agallamh le comhordaitheoir na teicneolaíochta digití faoi rannpháirtíocht na scoile i bpróiseas pleanála na foghlama digití, lena n-áirítear cruinnithe foirne faoin bhfoghlaim dhigiteach, dul i ngleic le creat na foghlama digití, ceisteanna bonneagair, comhpháirtíocht a chur chun cinn, forbairt ghairmiúil na foirne agus an tábhacht a bhaineann le AUP na scoile.
Agallamh le Príomhoide mar gheall ar aistear na scoile aige le TFC. Pléann sé an próiseas a lean siad chun táibléid a thabhairt don fhoireann agus do na daltaí ar fad. Míníonn sé na buntáistí a bhaineann a TFC ó thaobh na pleanála de don fhoireann agus don bhainistíocht agus an úsáid a bhaintear as coistí le tacú lena chéile.
Labhraíonn múinteoir ranga faoi úsáid Scratch chun litearthacht agus uimhearthacht a thacú. Déanann sí cur síos ar an gcaoi a cabhraíonn úsáid a bhaint as Scratch le scileanna daltaí a fhorbairt i roinnt mhaith réimsí, lena n-áirítear réiteach fadhbanna, agus chomh maith leis sin, an chaoi a tacaíonn sé le measúnú, go háirithe féinmheasúnú agus piarmheasúnú.
Clárú Na Nuachtlitreach
Sign-up
To subscribe to our email Newsletter, please fill in the details below.
