Punanna Digiteacha um Measúnú Foirmitheach ag ETSS Chill Mhantáin
Achoimre ar an bhFíseán
Déanann múinteoirí i Meánscoil Ag Foghlaim Le Chéile Chill Mhantáin cur síos ar an gcaoi ar chomhtháthaigh siad an tionscadal Phunann Digiteach um Measúnú Foirmitheach (FADP) ina scoil.
Cur Síos
Pléann múinteoirí a n-eispéireas ag baint úsáide as an tionscadal FADP i Meánscoil Ag Foghlaim Le Chéile Chill Mhantáin. Déanann siad cur síos ar na céimeanna forfheidhmithe agus ar an gcaoi a ndearna siad é a chomhtháthú leis an ualach oibre laethúil sa scoil. Bhí pleanáil agus aiseolas ag leibhéal na scoile uile ríthábhachtach do rath an tionscadail. Luaigh múinteoirí na buntáistí a bhaineann le hobair a chur isteach ar ardán a oibríonn don scoláire agus an cumas aiseolas a thabhairt chomh maith leis an gcaoi ar shaibhrigh an tionscadal scileanna litearthachta digiteacha na scoláirí.
Cúrsaí a d’fhéadfadh bheith ina n-ábhair spéise duit
Caith súil ar ár leathanach cúrsaí ar líne le teacht ar chúrsaí bainteach leis an ábhar seo.
Físeáin teagaisc
Taispeánfaidh na físeáin ghearra teagaisc seo a leanas duit conas aipeanna a úsáid atá le feiceáil san fhíseán:
Creat don Fhoghlaim Dhigiteach
Tacaíonn an físeán seo leis na ráitis seo a leanas den Chreat don Fhoghlaim Dhigiteach (CFD):
Teagasc & Foghlaim (1 Torthaí an Fhoghlaimeora)
● 1.4 Baineann na scoláirí na torthaí foghlama sonraithe amach do gach ábhar, cúrsa agus clár
Baineann scoláirí úsaid as fianaise a bhailítear trí raon modhanna lena n-áirítear teicneolaíochtaí digiteacha chun dul chun cinn a thaifeadadh agus réimsí a aithint maidir le feabhas, agus bíonn deiseanna acu aghaidh a thabhairt orthu siúd lena múinteoir.
Baineann scoláirí agus/nó tuismitheoirí úsáid as teicneolaíochtaí digiteacha chun teacht ar thorthaí na measúnachtaí foirmitheacha, suimitheacha, féinmheasúnaithe agus piarmheasúnaithe, agus chun iad a mheas agus a léirmhíniú.
Teagasc & Foghlaim (2. Taithí an Fhoghlaimeora)
● 2.2 Fásann scoláirí mar fhoghlaimeoirí trí idirghníomhaíochtaí agus eispéiris mheasúla atá dúshlánach agus tacúil
Bíonn idirghníomhaíochtaí digiteacha i measc scoláirí agus idir scoláirí agus múinteoirí measúil, dúshlánach, agus tacaíonn siad le folláine na scoláirí go léir.
Baineann scoláirí úsáid as teicneolaíochtaí digiteacha chun eolas a chur in iúl go measúil, chun comhoibriú agus chun eolas a chomhchruthú trí rannpháirtíocht ghníomhach i ndioscúrsa poiblí cuí agus i rannpháirtíocht shibhialta.
Téigh chuig Pleanáil FD chun breis eolais a fháil faoin na réimsí eile den CFD a chíortar san fhíseán seo, agus mar chabhair duit do chuid foghlama digití féin a phleanáil sa seomra ranga.
