Teicneolaíochtaí Digiteacha sa rang Tíreolaíochta
Achoimre ar an bhFíseán
Pléann Múinteoir Tíreolaíochta an úsáid a bhaintear as Wizer.ie ina sheomra ranga féin. Míníonn an múinteoir an úsáid a bhaineann sé as an uirlis seo le cabhrú leis an gcianfhoghlaim. Cabhraíonn sé leis tascanna difreáilte a leagan ar dhaltaí agus aiseolas aonair a thabhairt. Oibríonn na daltaí as a stuaim féin ansin chun na tascanna éagsúla a chríochnú.
Cur Síos
Cuireann múinteoir tíreolaíochta meánscoile TFC i bhfeidhm i gceacht ar bholcáin. Tá meascán de dhaltaí sa seomra ranga, sa cheantar thar maoil agus sa bhaile. Féachann daltaí ar fhíseán ar an topaic agus freagraíonn siad ceisteanna faoina bhfoghlaim sula dtéann siad ar aghaidh. Úsáidtear Wiser.me ansin chun bileoga oibre a dhéanamh a bhaineann go sonrach le cumas na ndaltaí. Roinneann an múinteoir aiseolas leis na daltaí, ó bhéal agus scríofa araon. Is féidir le daltaí a gcuid ceisteanna a roinnt leis an múinteoir ó bhéal, i scríbhinn nó trí fhíseán. Is féidir le daltaí comhoibriú lena bpiaraí ansin trí fhíseán. Oireann an cur chuige seo do riachtanais na ndaltaí agus iad ag obair ar luas a oireann dóibh. Is féidir an t-ábhar físe agus ceachta a athúsáid gach bliain, le mionleasuithe déanta de réir mar is gá.
Cúrsaí a bhféadfadh go mbeadh suim agat iontu
Féach ar ár leathanach cúrsaí ar líne chun cúrsaí a bhaineann leis an ábhar seo a aimsiú.
Creat don Fhoghlaim Dhigiteach
Tacaíonn an físeán seo leis na ráitis seo a leanas den Chreat don Fhoghlaim Dhigiteach (CFD):
Teagasc & Foghlaim (1. Torthaí Foghlama)
- 3 Úsáideann daltaí teicneolaíochtaí digiteacha ar bhealaí an-éifeachtach chun a gcuid eolas, scileanna agus tuiscint a fhorbairt i gcomhréir le cuspóirí ábhair, torthaí foghlama, scileanna agus coincheapa Churaclam na Bunscoile.
- 4 Baineann daltaí na cuspóirí foghlama atá luaite amach don téarma agus don bhliain
Téigh chuig Pleanáil FD chun iniúchadh a dhéanamh ar na réimsí eile de CFD a fhaigheann tacaíocht san fhíseán seo, agus chun cabhrú leat pleanáil d’fhoghlaim dhigiteach i do rang.
