Úsáid a bhaint as Uirlisí ar Líne don Phróiseas Scríbhneoireachta
Forbhreathnú ar Fhíseán
Míníonn múinteoir rang 6 an chaoi a úsáideann sé Google Classroom, Google Drive agus cáipéisí Google chun cur le ceachtanna scríbhneoireachta i suíomh ilghrád. Sábháiltear obair na ndaltaí, agus ríomhphunann mionsonraithe á cruthú is féidir a úsáid le haghaidh measúnaithe.
Cur Síos
Míníonn múinteoir ranga an chaoi a n-úsáideann siad Google Classroom, Google Drive agus Google Docs chun feabhas a chur ar na ceachtanna scríbhneoireachta i suíomh ilghráid. Sábháiltear obair na scoláirí, agus dá réir sin, cruthaítear ríomhphunann mhionsonraithe is féidir a úsáid le haghaidh measúnachta. Míníonn an múinteoir gur mór an tairbhe a baineadh as teicneolaíocht a úsáid le haghaidh obair bhaile. Tá sé éasca idirdhealú a dhéanamh freisin, agus luadh gur chuir múinteoir Taisce Oibre ar fáil laistigh de Google Classroom do na scoláirí a bhféadfadh tacaíocht bhreise a bheith ag teastáil uathu.
Cúrsaí a bhféadfá spéis a bheith agat iontu
Caith súil ar ár leathanach cúrsaí ar líne chun cúrsaí a aimsiú a bhaineann leis an ábhar seo.
An Creat Foghlama Digití
Tacaíonn an físeán seo leis na ráitis seo a leanas den Chreat Foghlama Digití (CFD):
Teagasc agus Foghlaim (1. Torthaí D’fhoghlaimeoirí)
- 1.1 Baineann daltaí taitneamh as a gcuid foghlama, bíonn siad an-tiomanta i leith na foghlama agus bíonn siad ag súil le spriocanna a bhaint amach mar fhoghlaimeoirí
- 1.3 Léiríonn daltaí an t-eolas, na scileanna agus an tuiscint atá riachtanach de réir churaclam na bunscoile.
Teagasc agus Foghlaim (3. Cleachtas Múinteoirí Aonair)
- 3.1 Tá an t-eolas ar an ábhar, an t-eolas oideolaíoch agus na scileanna bainistíochta ranga is gá ag an múinteoir
- Úsáideann múinteoirí réimse teicneolaíochtaí digiteacha chun gníomhaíochtaí foghlama agus measúnaithe a dhearadh dá ndaltaí.
- Déanann múinteoirí eispéiris foghlama a dhearadh nó a chur in oiriúint ina gcuimsítear teicneolaíochtaí digiteacha agus ina mbíonn na gníomhaíochtaí foghlama idir ábhartha agus bhríoch chun tacú le foghlaim na ndaltaí.
- Nuair a bhaineann múinteoirí úsáid as gníomhaíochtaí foghlama digití, déanann siad measúnú ar éifeachtacht na ngníomhaíochtaí sin agus déanann siad athbhreithniú ar a gcuid straitéisí teagaisc dá réir sin.
Téigh go dtí Pleanáil Foghlama Digití chun na réimsí a dtacaítear leo san fhíseán seo a fhiosrú, agus chun cabhrú leat pleanáil le haghaidh foghlaim dhigiteach i do rang.
